loader image

م ر شفق

عوامي نېشنل پارټي د قیادت بحران سره مخ ده؟ – د م ر شفق خط

د انټرا پارټي انتخاباتو پۀ حواله د ښاغلي مشر م ر شفق خط اسلام اباد 8م رمضان المبارک 1440هـ ډېر خوږ او ګران حیات روغانی صاحب! السلام علېکم ورحمة الله وبرکاته. د مۍ 2019 ‘پښتون’ ګڼه پۀ تاریخي، ادبي، علمي او سیاسي لحاظ ډېره اهمه ده او پۀ رېکارډ د ساتلو ده. ما چې پۀ خپل نظر د شروع نه تر اخره ښه پۀ غور او ټکي پۀ ټکي ولوسته نو خوښه مې شوه. هره لیکنه پۀ خپله موضوع زړۀ پورې او معلوماتي ده – نوي زلمي ترې استفاده کولې شي. ټول لیکونکي د ستائیلو جوګه دي. د ښاغلي حبیب …

بشپړ متن

“قوم” “ولي” او “د فکر ملغلرې” – م.ر.شفق

مونږ د ګران محمد رشتين ولي خټک، محمد علي بخت ناک خټک، دمساز خټک، انجينئير محمد يحيٰي خان خټک او دينار خټک مننه او ستائينه کوو چې دوي د خپل خوږ محترم پلار او د پښتو محقق، اديب او شاعر ډاکټر راج ولي شاه خټک “د فکر ملغلرې” را ټولې کړې دي. ورسره د ‘پاک امارات پښتو ادبي ټولنه’ دوبۍ ملګري پۀ تېره تېره سلطان باش خېل او شېر ولي خان اورکزے هم د ستائینې جوګه دي چې “د فکر ملغلرې” ئې د پښتو پۀ مئينانو کتابي شکل کښې پېرزو کړلې. د ولي د فکر ټولې ملغلرې ما امېل نۀ …

بشپړ متن

خدائي خدمتګار او ‘ګمنام سپاهي’ – م ر شفق

د ارواښاد ايوب صابر د مشهور نظم “ګمنام سپاهي” نه يو څو مصرعې راخلم: هر مؤرخ دے غافل هر محقق دے اودۀ هر مصور ملامت هر صحافي قصور وار هر يو اديب ګناه ګار زۀ يو سپاهي يم يو تورزن د دنيا پۀ هر مېدان کښې جنګېدلے يم ولې څوک داسې مؤرخ هم شته دے چې ئې پۀ ما هم څۀ تحقيق کړے دے؟ د باچاخان د خدائي خدمتګار تحريک هر يو خدائي خدمتګار د قومي اتل درجه لري خو د زرګونو او لکهونو پۀ شمېر خدائي خدمتګاران داسې تېر شوي دي چې خاص د الله د رضا د پاره …

بشپړ متن

شخصيانه محمد ظهور الحق: یو علمي ادبي شخصیت – م ر شفق

يو تأثر: “محمد ظهور الحق يو علمي ادبي شخصيت” ډېر ښکلے مضمون دے. د طورو “شخصيات” پۀ اما کما د علم و دانش خواږۀ وېشي. د کلپاڼۍ اوبۀ پۀ طورو کښې ډنډ شوې نۀ دي. پۀ “دوبندو” کښې “بلړ” له کونجي ورکړي او پۀ ” لنډي” درياب ورګډې شي نو د روهستان نه پۀ پنجاب وروخېژي او وړاندې ځي. د طورو د عالمانو افکار لکه د درياب پۀ ښکته هم ځي او لکه د باد پۀ غرونو بره هم الوځي. افغانستان کښې د پنج شېر پۀ غرونو کښې ما د طورو د عالمانو شاګردان پۀ امتياز پېژندلي وو. د علم …

بشپړ متن

تاثرات ژوندے ولي – م ر شفق

“باچاخان ” پۀ بنيادي توګه د خدائي خدمتګار او پۀ انسانيت مئين ؤ. عدم تشدد، مينه او امن د هغۀ مذهبي عقيده وه. د دې د پاره به ئې د حضور پاک صلي الله عليه وسلم د مکې ژوند حواله ورکوله. پۀ صبر استقامت ئې د قوم د اصلاح او قامولۍ تحريک شروع کړے ؤ. سياست ئې د قوم او ملک خدمت ګڼلو. او د قوم خدمت له ئې د عبادت درجه ورکړې وه. او پۀ دې اصولو ئې خدائي خدمتګارو له تعليم او تربيت ورکړے ؤ. پۀ دې وجه د هندوستان د ازادۍ پۀ جدوجهد کښې د باچاخان او …

بشپړ متن

د باچاخان اخباري بیانونه – م ر شفق

جنوري کال 1983ء کښې باچاخان د ليډي ريډنګ هسپتال پېښور( بولټن بلاک) کښې داخل ؤ. د راولپنډۍ ورځپاڼه “جنګ” کښې به د باچاخان د خولې څۀ نا څۀ بيان شائع کېدلو. يو څو بيانونه ترې ما پښتو کښې رانقل کړي وو. د “پښتون” لوستونکو ته ئې د ياد تازه کولو پۀ خاطر وړاندې کوم. بل مقصد ئې دا هم دے چې د باچاخان غوندې پاک سپېځلي شخصيت باره کښې اوس هم ” بې بنياده هشمشې” خپرولي شي. غواړم چې د دغو تېروتنو مخ نيوے وکړے شي. د باچاخان هره وېنا او هر بيان صفا، ساده او رښتيا وي. او هېڅ …

بشپړ متن

اکرام الله ګران: فکر او فن مينه لرو خو د الفاظو ژبې ګونګې مو دي “ګران” له ورځو چې لږ اظهار د محبت وښائي – م. ر. شفق

  دا ستمبر کال 1966ز ؤ. زما د شعر شونډه ايله قدرې شنه شوې وه. “اندېش اقبال” سره يو ځاے زۀ هم د پښتو ادبي جرګې مردان پۀ کاروان کښې “بخشالي” ته روان شوم. هلته د شپې ناوخته پورې يوه درنه تاريخي مشاعره [1] وشوه چې صدارت ئې د پښتو د جمال او جلال شاعر اجمل خټک کوۀ. د سټېج سکتر فرائض ښاغلي فضل اکبر سېف ګجراتي ترسره کول. د پښتونخوا د ګڼو سيمو نامتو شاعرانو پۀ خپل راتګ د مشاعرې خوند رنګ سېوا کړے ؤ او د خواو شا علاقو خلق ورله لکه د ماشو مېږو راچلېدلي وو. د …

بشپړ متن

‘د ګلو اونه’ مولانا محمد عنایت الله ّٰ – م. ر. شفق

  ‘د ګلو اونه’ مولانا محمد عنایت الله ّٰ یو مجاهد عالم او خدائي خدمتګار د هوتي مردان، مندڼ يوسفزيو پۀ سيمه کښې ‘تورو’ (طورو) ياد کلے دے – دا کۀ يو خوا د نوابانو خانانو کلے دے نو بل خوا د ډېرو لويو ديني عالمانو،خطيبانو او مدرسانو مرکز پاتې شوے دے چې شهرت ئې پۀ اما کما خور ؤ او لۀ دې کبله به ورته ‘د يونان ټکړه’ او دوېم بخارا وئيلي شو- پۀ ‘تورو’ کښې د عبدالعزيزي حسني ساداتو يوه کورنۍ اباده ده چې مورث اعليٰ ئې نور العلماء شېخ نور محمد المعروف اخوند يونس ګېلاني او ‘خاودبابا’ …

بشپړ متن

زاهد د ژوند د حسن شاعر – م. ر. شفق

حېران یم خلق دښمنۍ څنګه پۀ مینه پالي  مونږه خو خپلو الفتونو ته وزګار نۀ یو  زاهد ج هغۀ چې کرۍ ورځ محنت مزدوري وکړه، د زرعي تخمونو د اونو بوټو زهرژنو دارګانو لۀ دوکانه پۀ تیارۀ ماښام کور ته ستړے ستړے راغے؛ د ماسخوتن نمونځ او بیا ډوډۍ نه لږ وزګار شو، نو پۀ موبائیل فېسبوک ته مخامخ کښېناست ـــ مور ئې غوښتل چې ریچې ریچې وجود له به لږه دمه ورکړي خو د خوږمنې مور خاموش احتجاج له، ښه وه، د ماشومانو مور د اظهار ژبه ورکړه ــ وې وئیل: ‘یه سړیه! تۀ ټوله ورځ ستړے نۀ شوې؟ …

بشپړ متن

“خوش طبعي” د باچاخان پهٔ ژوند لیکنه کښې – م . ر. شفق

باچا خان (عبدالغفار خان) پۀ بنيادي توګه د قوم مصلح خدائي خدمتګار او رهنما ؤ نو قدرتي طور د هغۀ پۀ کردار او ګفتار، تحرير او تقرير او ناسته ولاړه کښې د اصلاح، خدمت او لارښودنې جذبه زياته وه. د يو قومي رهنما د پاره چې د کومو اوصافو ضرورت وي الله تعالٰي باچا خان پۀ هغو ټولو وصفونو او صفتونو نمانځلے ؤ. د هغۀ پۀ زړۀ کښې د انسانيت دړد ؤ. د خواخوږۍ جذبه وه. د خداے مخلوق سره مينه وه، پۀ خبرو او عمل کښې اخلاص ؤ، د صبر، زغم، استقلال يو ژوندے مثال ؤ او د خدائي …

بشپړ متن